போகட்டும் விட்டுவிடு...

முயற்சியால் முன்னுக்கு
வந்த மூத்தவன்
ஒரு முழம் கயிற்றுக்கு
என் முடிச்சிலிருந்து
உருவி எடுக்கவில்லை

என் முழு நேர உழைப்பு
மூன்றேக்கர் நிலத்தை
மூன்று விரல் மடித்து
முத்திரையில் வையென்ற
என் கையெழுத்தை
வாங்க
முன்னும் பின்னும்
ஒட்டிக் கொண்டிருந்த
மூச்சிரைக்க நீ பெத்த
இளையவனின்
முகத்தை
இருட்டில் கூட
பின்னர்
பார்க்கவும் கிடைக்கவில்லை

போகட்டும் விட்டுவிடு

உனக்கு நானும் எனக்கு நீயும்
பசி வந்தால் ருசியாக
வென்னீரும் சோறும்
வேரேன இருக்கும்
வெள்ளையம்மா நீயும்
எனக்கு வேறென்ன வேணும்...

அருள் நிலா வாசன்
23.12.2015