தாய் வீடு

மாடி வீடு மெத்தை வீடு
மறுபடியும் அத்தை வீடு
மணவாளன் சொத்து வீடு
மணமாகிப் புகுந்த வீடு

கோடி பணம் உழைத்தாலும்
கோபுரத்தில் இருந்தாலும்
கொஞ்ச நேரம் உட்கார்ந்து
ஊர்ப் பயணம் உருவெடுக்கும்

அனுப்பி வைத்த தாய் மனசை
அள்ளி அணைக்கத் தோன்றும்
நொடிப் பொழுது அன்னை மடியில்
நோகாமல் உரிமையுடன் தலைசாயும்

தாயின் முந்தானை வியர்வை வாசம்

தலையிடிக்கு மருந்தாகும்
நோய் கூடப் பறந்தே போகும்
தாய் வீடு மனசுக்கு விருந்தாகும்

வாகனங்கள் இல்லையென்றாலும்
வேகின்ற வெய்யிலிலும்
எட்டி நடை போட்டு வேகமாய்
வாவென்றழைக்கும் தாய் வீட்டு முற்றம்
.
.
அருள் நிலா வாசன்

9.02.2017